ᮙᮤᮆᮜᮤᮀ ᮕᮧᮆ ᮙᮥᮞᮤᮊ᮪ ᮔᮞᮤᮇᮔᮜ᮪

ᮝᮨᮍᮤ ᮃᮚᮩᮔ ᮙᮀᮛᮥᮕᮤᮊᮩᮔ᮪ ᮝᮨᮍᮤ ᮞᮒᮩᮃᮎᮔ᮪ ᮕᮧᮆ ᮙᮥᮞᮤᮊ᮪ ᮔᮞᮤᮇᮔᮜ᮪ ᮃᮔᮥ ᮓᮤᮛᮚᮊᮩᮔ᮪ ᮒᮅᮔᮔ᮪ ᮓᮤᮔ ᮊᮕᮤᮀ |᮹| ᮙᮛᮨᮒ᮪.

ᮊᮥ ᮙᮤᮆᮜᮤᮀ ᮕᮧᮆ ᮙᮥᮞᮤᮊ᮪ ᮔᮞᮤᮇᮔᮜ᮪ ᮄᮉ, ᮓᮤᮕᮤᮠᮛᮨᮕ᮪ ᮙᮞᮛᮊᮒ᮪ ᮄᮔ᮪ᮓᮧᮔᮦᮞᮤᮃ ᮜᮀᮊᮥᮀ ᮕᮤᮊᮎᮤᮔ᮪ᮒ ᮊᮛᮡ ᮃᮔᮥ ᮓᮤᮏᮤᮉᮔ᮪ ᮊᮥ ᮙᮥᮞᮤᮞᮤ ᮄᮔ᮪ᮓᮧᮔᮦᮞᮤᮃ ᮇᮌᮦ ᮃᮜᮒ᮪ ᮙᮥᮞᮤᮊ᮪ ᮠᮞ᮪ ᮞᮛᮨᮀ ᮝᮛᮤᮞᮔ᮪ ᮘᮀᮞ, ᮔᮤᮀᮊᮒ᮪ᮊᮩᮔ᮪ ᮃᮕᮢᮨᮞᮤᮃᮞᮤ ᮙᮞᮛᮊᮒ᮪ ᮊᮔ ᮙᮥᮞᮤᮊ᮪ ᮔᮞᮤᮇᮔᮜ᮪, ᮔᮤᮀᮊᮒ᮪ᮊᮩᮔ᮪ ᮊᮕᮨᮁᮎᮚᮃᮔ᮪ ᮞᮛᮨᮀ ᮙᮧᮒᮤᮗᮞᮤ ᮕᮛ ᮕᮍᮢᮝᮤᮒ᮪ ᮙᮥᮞᮤᮊ᮪ ᮄᮔ᮪ᮓᮧᮔᮦᮞᮤᮃ, ᮞᮛᮨᮀ ᮔᮤᮀᮊᮒ᮪ᮊᮩᮔ᮪ ᮊᮠᮧᮔ᮪ᮒᮜ᮪ᮔ ᮒᮤᮀᮊᮒ᮪ ᮔᮞᮤᮇᮔᮜ᮪, ᮛᮦᮌᮤᮇᮔᮜ᮪, ᮞᮛᮨᮀ ᮄᮔ᮪ᮒᮨᮁᮔᮞᮤᮇᮔᮜ᮪.

ᮒᮤᮔ ᮎᮥᮒᮒᮔ᮪ ᮓᮤ ᮜᮥᮠᮥᮁ, ᮏᮨᮜᮞ᮪ ᮕᮤᮞᮔ᮪ ᮚᮦᮔ᮪ ᮠᮛᮤ ᮙᮥᮞᮤᮊ᮪ ᮔᮞᮤᮇᮔᮜ᮪ ᮓᮤᮜᮛᮕ᮪ᮊᮩᮔ᮪ ᮊ ᮞᮓᮚᮔ ᮃᮔᮥ ᮓᮤᮞᮨᮘᮒ᮪ ᮙᮥᮞᮤᮊ᮪, ᮃᮔᮥ ᮃᮚ ᮓᮤ ᮄᮔ᮪ᮓᮧᮔᮦᮞᮤᮃ. ᮘᮧᮂ ᮙᮥᮞᮤᮊ᮪ ᮒᮢᮓᮤᮞᮤᮇᮔᮜ᮪ ᮘᮧᮂ ᮔᮧᮔ᮪-ᮒᮢᮓᮤᮞᮤᮇᮔᮜ᮪.

ᮊᮥᮙᮁᮌᮤ ᮊᮤᮒᮥ, ᮓᮤᮔ ᮊᮞᮨᮙ᮪ᮕᮨᮒᮔ᮪ ᮕᮧᮆ ᮙᮥᮞᮤᮊ᮪ ᮔᮞᮤᮇᮔᮜ᮪ ᮓᮤ |᮲᮰᮲᮱| ᮄᮉ, ᮊᮥᮛᮤᮀ ᮠᮧᮚᮧᮀ ᮍᮏᮊ᮪ ᮅᮛᮀ ᮞᮓᮚᮔ ᮕᮤᮊᮩᮔ᮪ ᮆᮙᮥᮒ᮪, ᮊᮨᮔᮜ᮪, ᮞᮛᮨᮀ ᮍᮠᮁᮌᮃᮔ᮪ ᮞᮘᮘᮛᮠ ᮄᮔᮧᮠᮧᮀ ᮙᮥᮞᮤᮊ᮪ ᮃᮔᮥ ᮃᮞᮜ᮪ᮔ ᮒᮤ ᮓᮆᮛᮂ ᮏᮝ ᮘᮛᮒ᮪, ᮠᮥᮞᮥᮞ᮪ᮔ ᮒᮧᮊᮧᮂ ᮙᮥᮞᮤᮊ᮪ ᮒᮢᮓᮤᮞᮤᮇᮔᮜ᮪ᮔ. ᮞᮜᮄᮔ᮪ ᮒᮤ ᮆᮒ, ᮅᮛᮀ ᮇᮌᮦ ᮙᮤᮊᮝᮔᮧᮂ ᮊᮛᮡ-ᮊᮛᮡ ᮛᮧᮀᮊᮂ ᮃᮔᮥ ᮕᮛᮔ᮪ᮒᮧᮞ᮪ ᮓᮤᮎᮤᮕ᮪ᮒᮊᮩᮔ᮪ ᮊᮥ ᮒᮧᮊᮧᮂ ᮙᮥᮞᮤᮊ᮪ ᮞᮥᮔ᮪ᮓ.

ᮞᮒᮩᮃᮎᮔ᮪ ᮊᮥᮛᮤᮀ ᮔᮨᮛᮞ᮪ᮊᮩᮔ᮪ ᮑᮨᮛᮒ᮪ᮔ, ᮓᮥᮕᮤ ᮃᮚ ᮃᮔᮥ ᮒᮨᮛᮀ ᮌᮙ᮪ᮘᮁ ᮕᮧᮒᮧ ᮌᮙᮨᮜᮔ᮪ ᮓᮤ ᮜᮥᮠᮥᮁ ᮓᮤᮔ ᮒᮥᮜᮤᮞᮔ᮪ ᮄᮉ ᮑᮆᮒ ᮌᮙᮨᮜᮔ᮪ ᮔᮇᮔ᮪ ᮔᮙᮤᮔ?

ᮙᮥᮌᮤᮃ ᮃᮔ᮪ᮏᮩᮔ᮪ ᮕᮛᮔ᮪ᮒᮧᮞ᮪ ᮒᮨᮛᮀ ᮔᮙᮤ ᮌᮙᮨᮜᮔ᮪ ᮆᮒ ᮞᮛᮨᮀ ᮇᮌᮦ ᮃᮔᮥ ᮍᮓᮙᮨᮜ᮪ᮔ. ᮕᮥᮔ᮪ᮒᮨᮔ᮪ ᮑᮨᮛᮒ᮪ ᮓᮤᮔ ᮊᮧᮜᮧᮙ᮪ ᮊᮧᮙᮦᮔ᮪ᮒᮁ ᮓᮤ ᮠᮔ᮪ᮓᮕ᮪ ᮒᮥᮜᮤᮞᮔ᮪ ᮄᮉ …

ᮠᮕᮥᮔ᮪ᮒᮨᮔ᮪ ᮞᮒᮩᮃᮎᮔ, ᮊᮥᮛᮤᮀ ᮘᮓᮦ ᮒᮨᮛᮞ᮪ᮊᮩᮔ᮪ ᮑᮨᮛᮒ᮪ ᮆᮔ᮪ᮏᮤᮀ, ᮄᮉ ᮊᮥᮞᮘᮘ᮪ ᮝᮨᮍᮤ ᮃᮚᮩᮔ ᮊᮥᮛᮤᮀ ᮌᮓᮥᮂ ᮒᮥᮌᮞ᮪ ᮞᮔᮦᮞ᮪ ᮃᮔᮥ ᮊᮨᮓᮂ ᮜᮀᮞᮥᮀ ᮛᮦᮀᮞᮦ ᮝᮨᮍᮤ ᮃᮚᮩᮔ.

ᮝᮤᮜᮥᮏᮨᮀ ᮕᮧᮆ ᮙᮥᮞᮤᮊ᮪ ᮔᮞᮤᮇᮔᮜ᮪
ᮙᮥᮌᮤᮃ ᮝᮛᮤᮞᮔ᮪ ᮙᮥᮞᮤᮊ᮪ ᮒᮢᮓᮤᮞᮤᮇᮔᮜ᮪ ᮃᮘᮓᮤ ᮞᮛᮨᮀ ᮓᮤᮕᮤᮊᮎᮤᮔ᮪ᮒ ᮞᮕᮔ᮪ᮏᮀ ᮙᮞ.


ᮞᮦᮜᮦᮘᮢᮞᮤ ᮞᮥᮔ᮪ᮓ

ᮠᮜᮧ ᮙᮔ᮪-ᮒᮨᮙᮔ᮪, ᮆᮔ᮪ᮏᮤᮀ ᮙᮤᮀᮌᮥ ᮒᮦᮂ ᮜᮤᮘᮥᮛᮔ᮪. ᮊᮥᮞᮘᮘ᮪ ᮊᮃᮚᮃᮔ᮪ ᮒᮨᮒᮨᮕ᮪ ᮠᮨᮔ᮪ᮒᮩ ᮍᮙᮥᮀᮊᮤᮔ᮪ᮊᮩᮔ᮪ ᮅᮛᮀ ᮔᮤᮀᮌᮜ᮪ᮊᮩᮔ᮪ ᮘᮥᮙᮤ ᮅᮕᮙᮤ ᮒᮩ ᮃᮚ ᮊᮘᮥᮒᮥᮠᮔ᮪ ᮃᮔᮥ ᮙᮨᮔ᮪ᮓᮨᮞᮊ᮪, ᮙᮊ ᮅᮛᮀ ᮊᮨᮓᮂ ᮍᮜᮊᮥᮊᮩᮔ᮪ ᮊᮌᮤᮃᮒᮔ᮪ ᮓᮤ ᮘᮥᮙᮤ.
… ᮒᮨᮛᮞ᮪ᮊᮩᮔ᮪ ᮙᮎ;

ᮎᮛ ᮕᮞᮀ ᮖᮧᮔ᮪ ᮓᮤᮔ ᮝᮦᮘ᮪

ᮙᮩᮛᮩᮔ᮪ ᮃᮔ᮪ᮏᮩᮔ᮪ ᮕᮛᮔ᮪ᮒᮧᮞ᮪ ᮍᮜᮙᮔ᮪ ᮒᮥᮜᮤᮞᮔ᮪ ᮓᮤᮔ ᮝᮦᮘ᮪ ᮃᮔᮥ ᮍᮌᮥᮔᮊᮩᮔ᮪ ᮖᮧᮔ᮪ᮒ᮪ ᮮᮥᮞᮥᮞ᮪ ᮞᮕᮨᮁᮒᮧᮞ᮪ ᮃᮊ᮪ᮞᮛ ᮞᮥᮔ᮪ᮓ ᮠᮨᮔ᮪ᮒᮩ ᮒᮤᮃᮞ ᮓᮤᮘᮎ ᮓᮤᮔ ᮞᮓᮚ ᮃᮕᮣᮤᮊᮞᮤ ᮕᮑᮥᮀᮞᮤ ᮓᮤᮔ ᮊᮧᮙ᮪ᮕᮥᮒᮨᮁ.
… ᮒᮨᮛᮞ᮪ᮊᮩᮔ᮪ ᮙᮎ;

ᮖᮧᮔ᮪ᮒ ᮃᮊ᮪ᮞᮛ ᮞᮥᮔ᮪ᮓ – ᮞᮥᮔ᮪ᮓᮛᮤ ᮅᮔᮤᮎᮧᮓᮨ

ᮖᮧᮔ᮪ ᮞᮥᮔ᮪ᮓᮛᮤ ᮅᮔᮤᮎᮧᮓᮨ ᮄᮉ ᮓᮤᮏᮤᮉᮔ᮪ ᮊᮥ ᮄᮜ᮪ᮠᮙ᮪ ᮔᮥᮁᮝᮔ᮪ᮞᮂ ᮓᮤ ᮒᮅᮔ᮪ |᮲᮰᮱᮸| ᮞᮛᮨᮀ ᮓᮤᮛᮧᮕᮦᮃ ᮓᮤᮔ ᮇᮊ᮪ᮒᮧᮘᮨᮁ |᮲᮰᮲᮰|.

ᮎᮧᮔ᮪ᮒᮧ ᮝᮍᮥᮔ᮪ ᮞᮨᮛᮒᮔ᮪ ᮖᮧᮔ᮪ ᮃᮊ᮪ᮞᮛ ᮞᮥᮔ᮪ᮓᮛᮤ ᮅᮔᮤᮎᮧᮓᮨ ᮑᮆᮒ ᮞᮕᮨᮁᮒᮧᮞ᮪ ᮊᮤᮉ

ᮕᮥᮕᮥᮂ ᮃᮞ᮪ᮙᮛᮔ᮪ᮓᮔ

“ᮆᮜᮤᮀ-ᮆᮜᮤᮀ ᮙᮀᮊ ᮆᮜᮤᮀ”

… ᮒᮨᮛᮞ᮪ᮊᮩᮔ᮪ ᮙᮎ;